 O CENTRO DE INFORMACIÓN Á MULLER DA GUARDA(CIM) é un servizo público e gratuíto que pretende dar resposta ás necesidades e demandas concretas que se lles presentan ás mulleres.O CIM ten ámbito comarcal polo que atende a todas as mulleres da Comarca do Baixo Miño (Concellos da Guarda, Tomiño,O Rosal e Oia).
Atenden o Centro unha traballadora social, unha psicóloga e unha avogada.
A Traballadora social do CIM leva a cabo as seguintes funcións:
- Estudo e valoración das necesidades e problemáticas sociais
- Entrevistas individualizadas e posterior derivación a psicóloga ou avogada se é necesario.
- Intervención socio- familiar e mediación
- Información e posterior xestión dos recursos sociais existentes na comunidade. (tramitación das prestacións económicas necesarias)
- Programación e coordinación de actividades tanto formativas como de ocio destinadas ás mulleres do ámbito de influencia do CIM
- Información sobre trámites e procesos de separación matrimonial e divorcio
- Información sobre dereitos das parellas de feito
- Información e tramitación de Asistencia Xurídica Gratuíta.
- Información sobre o proceso a seguir cando unha muller é vítima de malos tratos
- Cando as vítimas de violencia de xénero requiren de atención urxente, estúdase a posibilidade de xestionarlle un domicilio inmediato tanto para ela como para os seus fillos.
- Solicitar a atención policial se existe risco para a seguridade e integridade física da muller e informarlle sobre a necesidade de denunciar estes feitos perante o Xulgado de Garda ou a autoridade policial..
- Acompañamento ás mulleres vítimas de malos tratos ao xulgado para asistencia nos xuízos
- Fomento do asociacionismo e participación das mulleres
A psicóloga ofrece asesoramento psicolóxico a nivel individual e familiar.
A avogada ofrece asesoramento xurídico en dereito de familia e dereito penal.
|
