 DESENVOLVEMENTO LOCAL
AXENTE DE EMPREGO E DESENVOLVEMENTO LOCAL (AEDL)
O Concello da Guarda en colaboración coa Consellería de Traballo, pon a disposición dos cidadáns os servizos dun axente de emprego e desenvolvemento local. Trátase dun servizo público e gratuíto, para potenciar o desenvolvemento socioeconómico e a xeración de emprego no municipio.
Funcións:
- Xestionar axudas para favorecer o emprego, centrándose sobre todo naqueles colectivos con maiores dificultades á hora de conseguir emprego.
- Informar ás empresas dos instrumentos de promoción e fomento da competitividade empresarial dispoñibles, así como facilitar o seu acceso aos mesmos.
- Promover a cultura emprendedora fomentando iniciativas empresariais e apoiando novos proxectos de autoemprego individual ou colectivo informando das medidas de apoio existentes e poñendo en relación persoas emprendedoras e recursos.
- Comunicarlles ás empresas e ás persoas emprendedoras as subvencións para a formación e o emprego.
- Facilitar a inserción laboral das persoas demandantes de emprego, en especial das participantes en políticas activas de emprego.
- Observación estratéxica do territorio e realización de estudos coa fin de detectar necesidades formativas e educativas da poboación desempregada.
- Contribuír ao desenvolvemento socioeconómico do territorio mediante as seguintes técnicas:
- A prospección de recursos ociosos ou infrautilizados e de proxectos empresariais de promoción económica e iniciativas innovadoras para xerar emprego.
- A difusión e estímulo das potenciais oportunidades de creación de actividades entre persoas desempregadas, promotores e promotoras, persoas emprendedoras e institucións colaboradoras.
- O acompañamento técnico na iniciación de proxectos empresariais para a súa consolidación en empresas xeradoras de novos empregos, asesorando e informando sobre a viabilidade técnica, económica e financieira e, en xeral, sobre os plans de lanzamento das empresas.
- O apoio aos promotores e ás promotoras das empresas, unha vez constituídas estas, acompañándoos/as tecnicamente durante as primeiras etapas de funcionamento.
|
