Trala excelente acollida de veciños e visitantes da I Mostra o concello e asociacións colaboradoras están a traballar para mellorar o programa de actividades da pasada edición.
A finalidade desta Mostra é amosar a vida mariñeira da Guarda coas súas particularidades cun completo e variado programa de actividades. Todalas actividades teñen lugar nos diferentes espazos do porto: explanada, paseo marítimo e rúa do Porto.
Esta mostra conta con exposicións fotográficas e de aparellos de pesca na carpa, exposicións de embarcacións tradicionais no paseo marítimo, diferentes e variados obradoiros. Ademais ofértanse actividades lúdicas como un mercado mariñeiro, xogos populares, paseos en gamela e gameliñas,... Nesta edición haberá novos obradoiros como o cascado, o secado do congro, etc.
Como complemento na explanada do porto habilítase unha taberna mariñeira e na noite do sábado ten lugar un importante Serán que finaliza cunha queimada.
Nesta II edición destaca como novidade a organización da Regata das Traineras “ I ª Bandeira Concello A Guarda” na tarde do sábado. Como peche dun completo fin de semana, o domingo haberá un concerto da Coral de Ruada e da Agrupación Coral Polifónica da Guarda.
Próximas citas:
A II Mostra das Tradicións Mariñeiras será presentada o próximo día 21 de xullo ás 20 horas no Centro Cultural onde estarán presentes todos as asociación e organismos colaboradores e onde se amosará o video desta II Mostra.
A conferencia deste ano "Especies e espazos mariños protexidos" terá lugar no Centro Cultural o xoves 22 de xullo ás 20.30 horas e intervendrá Alfredo López Fernández de C.E.M.M.A.
24 e 25 de xullo: II Mostra das Tradicións Mariñeiras
