Hoxe, mércores da comezo os actos previos a II Mostra das Tradicións Mariñeiras que terá lugar no porto da Guarda este fin de semana cun variado programa.

O Centro Cultural acolle hoxe ás 20:00 horas a Presentación da II Mostra das Tradicións Mariñeiras. Nesta segunda edición a temática escollida foi “Lendas do Mar da Guarda” onde se amosará nun vídeo as lendas, medos e supersticións dos mariñeiros e continuará Xosé Lois Vilar cun breve coloquio.

No mesmo acto farase entrega da Bandeira da Guarda á Asociación de Remo Robaleira para a I Regata de Traíñas Concello da Guarda.

Recordamos que o xoves 22 de xullo ás 20.30 horas terá lugar na Cofradía de Pescadores, a Conferencia "Especies e espazos mariños protexidos", intervendrá Alfredo López Fernández de C.E.M.M.A.