Un grupo de alumnos do IES A Sangri\u00f1a, de entre 16 e 17 anos, xunt\u00e1ronse fai d\u00faas semanas para constru\u00edr e programar un robot, que agora amosan e mesmo permiten dirixir a todas aquelas persoas interesadas que se acheguen \u00e1 Alameda entre as 18.00 e as 20.00 horas ata este s\u00e1bado.<\/p>\n
Mar\u00eda Gonz\u00e1lez, impulsora do proxecto, tivo a idea de crear un grupo de rob\u00f3tica fai algo m\u00e1is de dous meses, co fin de montar e programar un aparello electr\u00f3nico que, dirixido de forma remota, fose capaz de moverse e superar obst\u00e1culos. Agora, e tras d\u00faas semanas de traballo, a creaci\u00f3n deste grupo de mozas e mozos bautizados como \u201cCeltic Bots\u201d, xa \u00e9 unha realidade, e tan s\u00f3 o primeiro paso nun proxecto que agarda ser m\u00e1is amplo.<\/p>\n
O plan de cara o novo curso pasa por aumentar o n\u00famero de participantes nesta iniciativa tecnol\u00f3xica, inclu\u00edndo a alumnos e alumnas de todas as ideades e procedentes doutros centros educativos que te\u00f1an interese e capacidades en distintas disciplinas. Neste sentido, apunta Mar\u00eda, \u201cexiste moitos prexu\u00edzos sobre o que \u00e9 a rob\u00f3tica\u201d, refer\u00edndose a esta como unha rama multidisciplinar na que conviven distintos campos, como \u201ca construci\u00f3n, dese\u00f1o, matem\u00e1ticas ou a administraci\u00f3n\u201d, polo que perf\u00eds moi distintos te\u00f1en cabida.<\/p>\n
Polo de agora, todas as persoas interesadas en co\u00f1ecer o primeiro traballo deste equipo poden visitar o seu circu\u00edto instalado na Alameda, onde se poder\u00e1 conducir o robot e po\u00f1elo a proba nun campo de obst\u00e1culos. Os creadores ir\u00e1n anotando os tempos e puntuaci\u00f3n de cada un dos participantes, dependendo das probas e atrancos que sexan capaces de superar, de xeito que se converta nunha competici\u00f3n entre afeccionados.<\/p>\n
A actividade comezou a expo\u00f1erse onte pola tarde, espertando a curiosidade de maiores e pequenos, a\u00ednda que foron estes \u00faltimos os que amosaron de forma xeral unha maior disposici\u00f3n a probar o robot, para cuxa construci\u00f3n os alumnos contaron cun kit de rob\u00f3tica do IES A Sangri\u00f1a.<\/p>\n