Marzo, mes da poesía e da muller na Biblioteca Municipal
Haberá unha edición especial adicada á poesía de Contos Contados e un certame de presentación de poemas no que poden participar todos os veciños e veciñas da vila independentemente da súa idade
A Biblioteca Municipal da Guarda adicará o mes de marzo á muller e a poesía, coincidindo ambas datas conmemorativas. Así a biblioteca guardesa propón, como ven facendo todos estes meses,dúas novas iniciativas para tódolos públicos. A primeira de elas chámase “Muller Poeta” e a segunda será unha nova edición de Contos Contados coa temática “Día da Poesía”.
“Muller Poeta”
Esta iniciativa está organizada para que todas as veciñas e veciños de A Guarda participen no mundo da poesía a través da investigación e da posta en valor das mulleres poetas de toda a nosa historia, tanto en galego como en castelán. Cada veciña ou veciño de calquera idade que quixera participar buscará un poema de algunha poetisa importante ou que para eles teña un valor especial, e presentará ese poema escrito no formato máis orixinal ou singular que considere. Todos estes poemas serán recollidos dende o día 7 ata o día 17 de Marzo, ambos inclusive, tanto no despacho de Cultura do Concello de A Guarda en horario de mañá, como na Biblioteca Municipal ou no Centro Cultural, -o horario da Biblioteca é de 17 a 20 e o Centro Cultural está aberto de 10 a 13 e de 17 a 20-.
O traballo será asinado cun pseudónimo. A súa vez, este poema será acompañado do nome da persoa participante,a súa idade e un teléfono de contacto dentro de un sobre pechado, identificado co nome do pseudónimo.
O día 17 de Marzo un xurado composto pola técnica de Cultura do Concello da Guarda, a persoa encargada da Biblioteca e un membro da Agrupación Cultural Guardesa valorarán os traballos recollidos, premiando a orixinalidade ou a elección do poema entre outros, e outorgarán un premio único para cada categoría que serán: Infantil,Xuvenil e Adulto, sendo estas categorías da seguinte maneira:
Infantil: De 3 a 11 anos
Xuvenil: De 12 a 16 anos
Adultos: de 16 en adiante.
O agasallo para os gañadores de cada categoría será un lote de libros.
Os traballos recibidos serán expostos no centro cultural dende o día 18 ate o 31 de Marzo. Con esta iniciativa, o Concello de A Guarda pretende por en valor o mundo da poesía e sobre todo por ser este mes adicado as mulleres , por en valor as poetas;pero tamén pretende acercar á cidadanía o mundo das letras, o mundo da poesía a través de unha iniciativa divertida,orixinal e familiar.
“Contos Contados-Día da Poesía”
O Sábado 19 de Marzo ás 11 da mañá, haberá unha nova sesión dos contos contados. Esta vez a actividade xirará sobre o mundo dos poemas infantís. Como é habitual a sesión irá acompañada dun divertido Obradoiro, que nesta ocasión será a realización do “Árbore das letras”, que quedará exposto na Biblioteca Municipal.
