- Praza do Reló 1, A Guarda, CP 36780
- Teléfono: 986 610 000
- Email: educacion@aguarda.es
- Fax: 986 610 283
Un dos principais compromisos do Departamento de Educación do Concello da Guarda é atender as demandas dos Centros educativos e traballar coordinadamente con eles procurando que os colexios e as súas instalacións estean e se manteñan en perfecto estado.
Queremos tamén colaborar coa tarefa educativa que realizan os centros de ensino, organizando e participando en distintas actividades didácticas: teatro, exposicións, talleres, etc.
O concello é o responsable de convocar o Consello Escolar Municipal, o foro onde se tratan os temas educativos que nos afectan a toda a vila. Entre todos os axentes implicados na educación temos a responsabilidade de dotar de contido a este órgano consultivo.
Tamén é unha responsabilidade que a administración non debe eludir, ofrecer formación a aquelas persoas que xa non están en idade escolar pero que o precisan, para conseguir algún título que lles facilite o acceso ao mundo laboral ou simplemente porque queren mellorar a súa formación, a escola para adultos.
O Conservatorio Municipal, que debemos mimar e potenciar, depende directamente do concello, e representa a única oportunidade para moitos nenos e nenas dunha vila como a nosa, tan lonxe das grandes cidades, para iniciarse na música.
Últimas Novas
O IES A Sangriña por Europa
