Patrimonio

A existencia dunha concellería específica de Patrimonio diferenciada da de Cultura -á que tradicionalmente estivo supeditada- xustifícase polo enorme potencial histórico, cultural e etnográfico que posúe A Guarda.

Ademais do monte Trega, que pola súa importancia arqueolóxica, paisaxística e turística merece unha dedicación diferenciada, desde a concellería de Patrimonio pretendemos poñer en valor a maior cantidade de recursos históricos e etnográficos posibles, difundilos entre veciños e visitantes e velar pola conservación daqueles elementos singulares do patrimonio histórico común a todos os veciños.

Elaborar roteiros que transcurran por lugares de especial valor cultural, poñer en valor todas as potencialidades do monte Trega, dar a coñecer o Castelo de Sta. Cruz, impulsar o coñecemento e a investigación sobre os recursos e recuperar e conservar todos a maior cantidade posible deles son as accións para as que traballa este departamento.