Escola Infantil

A escola infantil municipal da Guarda é un centro de atención diurna de carácter socio educativo  para os nenos e nenas de 3 meses a 3 anos de titularidade municipal.

Cales son os obxectivos?

–    Promover e fomentar o desenvolvemento integral dos nenos e nenas e a aprendizaxe das habilidades cognitivas  e creativas do neno e nena.
–    Facilitar a conciliación familiar entre a vida familiar e laboral.
–    Facilitar o desenvolvemento de valores individuais e sociais básicos: cooperación, solidariedade, respecto, etc…
–    Lograr un equilibrio afectivo satisfactorio
–    Respectar a singularidade e diversidade de cada menor.
–    Posibilitar a integración progresiva dos nenos e nenas na cultura do seu medio.
–    Crear un ambiente que favoreza o desenvolvemento individual e grupal nas actitudes e nas actividades diarias.
–    Facilitar a adquisición progresiva de hábitos de orde e limpeza e conservación dos materiais, facendo uso axeitado deles.
–    Facilitar a integración dos nenos/as con necesidades educativas especiais.

Como se accede a escola infantil?

As familias interesadas deberán presentar a súa solicitude  e a documentación requirida dentro do prazo establecido no regulamento de organización e funcionamento da escola infantil municipal publicado no BOP o 7 de abril de 2022.  A documentación e impresos poderán descargala nesta mesma páxina no apartado de normativa e trámites.

Con que equipamento se conta?

1 aula para o alumnado de 0-1 anos
1 aula para o alumnado de 1-2 anos
1 aula para o alumnado de 2-3 anos
1 sala de usos múltiples
1 patio exterior
1 cociña

Que servizos se prestan?

Hai servizo de comedor, aínda que se é necesario administrar biberóns ou potitos, estes deberán ser traídos polos pais, así como alimentos especiais.

Que horario ten?

O servizo da escola infantil municipal desenvolverase durante os 12 meses do ano, excepto sábados, domingos e festivos.
O horario de apertura do centro será de 7:30 horas a 20:00 horas de forma ininterrompida.

Cal é o prezo?

O prezo que deberán pagar está establecido na ordenanza reguladora do prezo publico polo asistencia e estancia na escola infantil municipal da Guarda publicada no BOPPO o 1 de setembro de 2020.