Saúdo do Alcalde
A Guarda é un sitio fermoso e singular que goza dunha situación privilexiada, un lugar do que estamos namorados os que aquí vivimos e que conquista aos que nos visitan. Non é casualidade que neste recuncho de Galicia houbera asentamentos humanos dende fai máis de 2000 anos.
As nosas paisaxes, patrimonio, historia, cultura, praias, festas, produtos, mar e río, son as nosas fortalezas. Entre todos debemos tecer con estes elementos, o noso futuro e o da nosa Vila, trazar o noso camiño en común.
Quero aproveitar esta ventá que me ofrece a tecnoloxía para saudar e invitar a tódolos veciños a participar da vida municipal. Gustaríame poder compartir o noso proxecto con vós, escoitar as vosas ideas, suxestións e opinións. Se queres formar parte deste proxecto común que é A Guarda tes abertas as portas da casa do concello e as vías de comunicación que esta páxina web e a App municipal ofrecen para facernos chegar a túa voz.
Envío tamén un saúdo as xentes que nos visitan. Turistas, peregrinos, visitantes, viaxeiros e guardeses de adopción: A Guarda é unha vila acolledora, queremos que vos sintades como na vosa casa e que gocedes de tódalas riquezas que este recuncho ofrece.
E unha honra para min estar de alcalde da Guarda. Ter a oportunidade de mellorar a Vila e a vida dos veciños é un proxecto apaixonante no que teño posta toda a miña ilusión. Conto contigo para levalo adiante.
“A Guarda é cousa de todos”
Alcalde da Guarda
Antonio Lomba Baz