Os premiados na Ruta do Pincho da Lamprea do Miño recolleron os seus agasallos e o Restaurante Brisamar xa conta co seu diploma
Hoxe, mércores 27 de abril, no Concello da Guarda tivo lugar un breve acto onde os premiados na Ruta do Pincho da Lamprea do Miño recolleron os seus agasallos. No acto estiveron presentes D. Antonio Lomba Baz, Alcalde da Guarda, Dona Montserrat Magallanes, Concelleira de Turismo e D. José Luis Morais, viverista e organizador da ruta xunto cos pescadores.
Hoxe, mércores 27 de abril, no Concello da Guarda tivo lugar un breve acto onde os premiados na Ruta do Pincho da Lamprea do Miño recolleron os seus agasallos. No acto estiveron presentes D. Antonio Lomba Baz, Alcalde da Guarda, Dona Montserrat Magallanes, Concelleira de Turismo e D. José Luis Morais, viverista e organizador da ruta xunto cos pescadores.
O acto comezou coa entrega do Diploma ó Mellor Pincho de Lamprea ó Restaurante Brisamar quen elaborou o pincho de lamprea mellor valorado polos participantes. O propietario do Restaurante Brisamar, D. Alfonso Pérez Quintas, recolleu o diploma da man do alcalde.
A continuación, os cinco premiados no sorteo recolleron os seus lotes de viño e indicaron que esta ruta é unha iniciativa que permite degustar facilmente a lamprea e unha oportunidade para que moitos se atrevan a probala. Os cinco lotes foron aportados pola Bodegas Gallegas e as adegas correspondentes:
- 1º ISIDORO FERREIRA PIRES (A Guarda) premiado cunha caixa de 6 botellas de viño Albariño da Adega Rectoral do Umía.
- 2º FRANCISCO ALONSO VÁZQUEZ (O Rosal) premiado cunha caixa de 6 botellas de viño Mencía da Adega Rectoral de Amandi.
- 3º JUAN EDMUNDO DA COSTA ALONSO (A Guarda) premiado cunha caixa de 6 botellas de viño Ribeiro da Adega Alanís.
- 4º ROBERTO VIDAL JORGE (Vigo) premiado cunha botella de viño Mencía da Adega Rectoral de Amandi e outra botella de viño Ribeiro da Adega Alanís.
- 5ºISIDORO DURÁN RODRÍGUEZpremiado cunha botella de viño Mencía da Adega Rectoral de Amandi e outra botella de viño Ribeiro da Adega Alanís.
Unha vez máis noraboa ós premiados e agradecer a todos aqueles que fixeron desta ruta un éxito: os organizadores, o viverista e os pescadores, os 14 establementos participantes e os participantes que degustaron a lamprea do Miño na Guarda.