Apertura do prazo para optar á explotación de postos na Praza de Abastos da Guarda
- As persoas interesadas en abrir un posto no mercado municipal da Guarda poderán presentar as súas solicitudes a partir de hoxe. O proceso de licitación estará aberto ata o 16 de xuño.
O mercado municipal da Guarda conta na actualidade cunha ampla variedade de produtos frescos dunha gran calidade, que van desde froitas e verduras, até carnes, peixes e mariscos. Fai uns meses o equipo de goberno promoveu a modificación do regulamento que rexe o funcionamento da praza de abastos, un paso previo necesario para poder optar algún día ao selo de Mercado Excelente.
A anterior normativa non permitía unha das principais demandas para ter esta distinción como sería posuír no mercado un alto grao de diversificación de oferta de postos, non permitindo por exemplo a instalación dun bar ou cantina, unha floristería, etc. Polo que optouse por esperar á aprobación desta ordenanza para abrir a presente licitación, que permitiría a apertura de negocios nos que se oferten todos estes produtos:
- Carnes frescas
- Despoxos de reses
- Aves, caza e ovos
- Peixes frescos e mariscos
- Artigos de alimentación conxelados
- Froitas e verduras
- Comestibles, chacinas e ultramarinos
- Aliños, especias, aderezos e outros produtos similares
- Produtos en salgadura
- Flores e plantas
- Droguería e artigos de limpeza
- Bar ou cantina .
- Comidas preparadas
ñ. Pan, pastelaría, bolería e derivados
- Produtos de artesanía ou de creación/produción propia
- Calquera outra actividade susceptible de ser prestada no Mercado Municipal de Abastos que poda ser autorizada polo órgano competente.
Sumado a isto cabe destacar que tralo verán está previsto o inicio das obras de reforma estética que se levarán a cabo con fondos da Deputación de Pontevedra a través do Plan Concellos, e que mellorarán substancialmente a imaxe deste edificio municipal, outro paso máis na modernización do noso mercado.
Pódense consultar os pregos da licitación e presentar ofertas a través da seguinte plataforma
Para obter máis información sobre o proceso, os requisitos e as condicións, as persoas interesadas poden poñerse en contacto co Concello chamando ao 986 61 00 00.
