Contacontos musicado e ilustrado sobre Francisco Fernández del Riego este sábado na Biblioteca da Guarda
- A actividade pensada para crianzas a partir dos 5 anos correrá a cargo do grupo Polo correo do vento
O vindeiro sábado día 10 de xuño ás 12:00h. a Biblioteca Pública Municipal da Guarda acolle o contacontos “Un día para as Letras. Pequena biografía de Francisco Fernández del Riego”.
Esta actividade sobre a vida e obra de Francisco Fernández del Riego está organizada polo Departamento de Lingua da Deputación de Pontevedra e será realizada pola compañía “Polo correo do Vento”, contando cos habituais ingredientes deste grupo: a música e a ilustración para explicar de xeito ameno ás crianzas e familias a vida e legado do persoeiroo escollido este ano para homenaxear nas Letras Galegas.