A gran tirada de fogos puxo fin ás Festas do Monte 2025

Ás 00:00h centos de persoas reuníronse no porto da Guarda para desfrutar da gran tirada de fogos de artificio e poñer fin ás Festas do Monte 2025.

Durante a tarde, a Policía Local, xunto co alcalde da Guarda e o concelleiro Isidro Lomba, revisaron a correcta instalación dos fogos de artificio e restrinxiuse o paso á zona de montaxe. Deste xeito, a empresa de pirotecnia non supuxo ningún perigo para a cidadanía, nin na montaxe nin durante o espectáculo.

Os guardeses e guardesas desfrutaron deste espectáculo de máis de dez minutos desde diferentes zonas da Guarda, como o porto, o barrio da Cruzada, ou o propio Monte Santa Trega, entre outros.