O Concello da Guarda colabora coa saída cultural polo Salnés prevista para o sábado 15 de novembro

O Concello da Guarda colabora na organización dunha saída cultural en bus para que os veciños poidan coñecer a nosa provincia e así continuar coa actividade cultural tamén no outono

A saída cultural será o sábado 15 de novembro e o programa incluirá tres actividades nos concellos do Grove e Cambados, na comarca do Salnés.

A primeira parada será no porto do Grove coa saída en catamarán pola ría entre bateas e que incluirá a degustación de mexillóns. Ademais, desfrutarase dunha breve visita ao centro urbano desta vila costeira.

Para a segunda actividade o grupo dirixirase a San Vicente do Mar para a visita do Centro de Interpretación da cultura agraria no Quinteiro de Temperán. Este centro é unha antiga casa de labranza do século XVIII restaurada e que transportará aos participantes á vida e costumes do mundo rural galego percorrendo as diferentes estancias e coñecendo obxectos recuperados. Neste mesmo espacio os participantes gozarán dun xantar especial ambientado no 1900.

A tarde continuará coa visita guiada ao casco histórico de Cambados como terceira actividade. Esta saída cultural está organiza por Costa Atlántica Viajes cun importe de 70€ por persoa, con saída ás 8:00h e regreso aproximado ás 21:00h á Guarda.

Para máis información e inscrición, os interesados deben dirixirse á Casa dos Alonso (segunda planta) ou ben a través do tel. 986 61 00 00 ata o mércores 29 de outubro, data na que pecha a inscrición.