Denis Maza presenta o seu novo libro “Al girar la rueda” no Centro Cultural da Guarda
O próximo venres 13 ás 20:00h, o autor guardés Denis Maza presenta a súa nova novela “Al girar la rueda” no Centro Cultural da Guarda.
Esta obra adéntrase no enorme peso do fortuíto na vida do individuo. Parte de tres vidas diferentes: Marta, Jorge e Carlos, sen ningunha conexión que tratan, cada un á súa maneira, abrirse paso na vida desde a súa realidade. Pero, de súpeto, os diferentes fíos se mesturan e condúceos cara un destino común, tan aleatorio como implacable.
Denis Maza publicou o seu primeiro libro “La mística de un grano de arena” no 2020 e reside en Vigo como profesor de Enerxías Renovables no CIFP Valentín Paz Andrade.
