O IES A Sangriña inicia curso cun novo acceso para vehículos de emerxencias

O IES A Sangriña iniciará este curso 2025/2026 cun novo acceso na parte posterior das súas instalacións. Este acceso permite a vehículos entrar no recinto escolar ata o propio patio.

O acceso está pensado para facilitar a entrada de vehículos de emerxencias, como ambulancias ou bombeiros no caso de ser preciso. Ante estas emerxencias os vehículos poderán acceder ata un dos puntos principais da actividade escolar, o patio, xusto ao lado do pavillón deportivo e da zona de obradoiros de Formación Profesional. Deste xeito, as emerxencias que se poidan ocasionar poderán ser atendidas de xeito moito máis directo e rápido.

Para esta actuación invertéronse 48.220,62€, cunha subvención da Deputación de Pontevedra.