8M: Concentración reivindicativa en prol da igualdade entre mulleres e homes

Este xoves convídase ás asociacións, comerciantes, veciñas e veciños da Guarda, a participar na concentración reivindicativa en prol da igualdade real entre mulleres e homes, coincidindo coa conmemoración do Día Internacional das Mulleres.

O acto comezará ás 12:30 horas na Praza do Reló e contará coa intervención de membros do Goberno Local, que lerán un manifesto feminista. Todas aquelas persoas que desexen participar poderán facelo coa lectura dos seus escritos e/ou calquera outra forma de expresión.