Selección de persoal no Concello da Guarda pola subvención +Emprega nos Concellos da Deputación

O Concello da Guarda solicitou á Deputación de Pontevedra unha subvención para a contratación de 3 persoas, baixo a modalidade contrato de traballo formativo para a obtención de práctica profesional que se deriven realizaranse entre as entidades colaboradoras e as persoas tituladas universitarias e de formación profesional de ciclos medios e superiores, co fin de poder adquirir a práctica profesional adecuada ao nivel de estudos cursados e facilitarlles a súa inserción no mercado laboral(Bases reguladoras da subvención BOP nº 156 de 19 de agosto de 2025).

Os aspirantes deberán estar inscritos como demandantes ou en mellora de emprego no Servizo Público de Emprego, así como cumprir os requisitos esixidos para formalización dun contrato formativo, e estar empadroados nalgún dos concellos da provincia de Pontevedra.

A selección farase mediante a presentación da correspondente oferta de emprego na oficina do Servizo Público de Emprego do domicilio da entidade beneficiaria.As titulacións requiridas son:

1. Grao en Arquitectura
2. Grao en Dirección e Xestión Pública
3. Grao en Relacións Laborais e Recursos Humanos

O proceso de selección consistirá na valoración dos méritos acreditados polas persoas preseleccionadas polo Servizo Público de Emprego recollidos do anexo III (Bases reguladoras da subvención BOP nº 156 de 19 de agosto de 2025). Os criterios son:

• Expediente académico
• Por ter un documento relacionado co contido do posto
• Por cada título oficial de máster universitario ou título propio da universidade de máster relacionado co contido do posto
• Por posuír unha titulación académica oficial distinta e relacionada co posto de traballo que se vai desempeñar, de nivel igual ou superior á esixida para a formalización do contrato formativo.
• Por asistir a cursos de especialización, formación e perfeccionamento organizados por centros oficiais dependentes da Administración do Estado, da comunidade autónoma ou local, universidades, colexios oficiais ou escolas da Administración pública directamente relacionados co posto que se vai desempeñar (incluídos os organizados por sindicatos no marco do Acordo nacional de formación continua).

Para máis información dirixirse ao departamento de Emprego do Concello da Guarda (1ª planta).

Nesta fase só se terán en conta os méritos que se xustifiquen documentalmente no día e na hora que sinale o concello.

No caso de empate entre as puntuacións das persoas aspirantes a orde de prelación determinarase dándolle preferencia á muller naqueles casos en que se produza unha infrarrepresentación do sexo feminino, nos termos establecidos no artigo 49 do Decreto lexislativo 2/2015, de 12 de febreiro, polo que se aproba o Texto refundido das disposicións legais vixentes da Comunidade Autónoma de Galicia en materia de igualdade. No caso de que o citado precepto non resulte aplicable ou persista o empate tras a súa aplicación, resolverase o empate en función da nota media global do expediente académico e, de persistir este, pola puntuación acadada nos seguintes apartados