Resolución do padrón da taxa de recollida de lixo do exercicio tributario 2018

ANUNCIO

EXPOSICIÓN PÚBLICA E COBRANZA EN VOLUNTARIA DO PADRÓN RELATIVO Á TAXA DE RECOLLIDA DE LIXO DO EXERCICIO TRIBUTARIO 2018

A Presidencia desta Corporación, mediante Resolución nº 0066/2018 aprobou o padrón da taxa de Recollida de Lixo correspondente ao exercicio tributario 2018 do Concello da Guarda. A dita Resolución é definitiva en vía administrativa.

O padrón fiscal se exporá ó público nas oficinas municipais no prazo dun mes contado a partir da publicación deste anuncio no Boletín Oficial da Provincia, anuncio que ten o carácter de notificación colectiva ó amparo do previsto no artículo 102.3 da Lei 58/2003, do 17 de decembro, Xeral Tributaria.

Durante o devandito prazo os interesados poderán examinalo e formular contra os actos que se notifican, ante a Presidencia deste Concello, recurso de reposición previo ao contencioso administrativo, no prazo dun mes a contar dende a exposición pública do padrón.

Contra a exposición pública dos padróns, e das liquidacións incorporadas nos mesmos, se poderá interpoñer recurso de reposición, previo ó contencioso administrativo no prazo dun mes a contar dende a data de finalización do período voluntario de cobro. Contra os datos censais do Padrón relativo á Taxa de recollida de lixo do exercicio 2018 se poderá interpoñer ademáis reclamación económica administrativa. Non obstante, se o considera adecuado, poderán exercitar calquera outro recurso que estimen pertinente.

O período voluntario de cobranza da taxa de recollida de lixo do exercicio tributario 2018 do Concello da Guarda será do día 1 de febreiro de 2018 ao 7 de abril de 2018, ámbalas dúas datas inclusive.

A taxa deberá satisfacerse a través das seguintes entidades bancarias:
BANCO PASTOR, BBVA, ABANCA, CAIXABANK, BANCO SANTANDER, BANCO SABADELL

Ao vencemento do prazo en periodo voluntario sen ter sido satisfeita a débeda, determinará o comenzo do procedemento de constrinximento, coa percepción do recargo da mora e demáis conceptos exisibles, tal e como se fixa no artigo 160 e 161 da Lei 58/2003, de 17 de Decembro, Xeral Tributaria e nos artigos 69 e seguintes do Real Decreto 939/2005, de 29 de xullo, polo que se aproba o Regulamento Xeral de Recadación.