A Biblioteca Municipal da Guarda ofrece Mochilas Viaxeiras no verán

A Biblioteca Municipal da Guarda acompaña aos lectores coas Mochilas Viaxeiras durante os meses de xullo, agosto e setembro.

As persoas que así o desexen, poden achegarse á Biblioteca e levar en préstamo unha mochila cun número máximo de dez libros a escoller por eles mesmos durante un prazo dun mes. Cada mochila leva unha libreta para anotar opinións.

Esta actividade ten como finalidade crear hábitos lectores, fomentar a lectura en familia e o diálogo coa posibilidade de expresar e compartir as súas experiencias sobre o material prestado.

Máis información na Biblioteca Municipal da Guarda, nas súas instalacións no 1º andar do Centro Cultural, en horario de Luns a Venres de 10:00h a 13:00h e os sábados en horario de 10:00h a 13:00h.