A foodtruck de Galicia Sabe Amar visita A Guarda
Volve a campaña Galicia Sabe Amar á Guarda este sábado con motivo do II Trail Camposancos ó solpor. Con esta campaña téntase animar á cidadanía a consumir produtos do mar, impulsar a súa venda e poñer en valor o labor dos profesionais da pesca e do marisqueo.
Nesta foodtruck, os visitantes e veciños poderán degustar algún dos petiscos pensados para a campaña e realizados a base de produtos certificados do mar e da terra.
Para desfrutar deste produtos achegádevos este sábado 21 de xuño, ao Campo Multiusos do Codesal de 18:00 a 22:30 horas.
