A ‘foodtruck’ Galicia Sabe Amar chega á Guarda o próximo martes 20

O martes 20 de agosto, unha das ‘foodtrucks’ da campaña Galicia Sabe Amar chegará á Praza de Avelino Vicente para dar a degustar algún dos petiscos realizados a base de produtos certificados do mar e da terra.

Galicia Sabe Amar é unha campaña da Xunta de Galicia que quere impulsar á cidadanía a consumir produtos do mar, impulsar a súa venda e poñer en valor o labor dos profesionais da pesca e do marisqueo.

A ‘foodtruck’ atenderá en horario de 11:00 a 14:00 horas e de 18:30 a 21:30 horas.