A Guarda abre o prazo para participar nas actividades de Nadal o 24 de novembro

Estes obradoiros de ocio e tempo de lecer para crianzas son de carácter gratuíto e teñen como obxectivo principal facilitar a conciliación da vida persoal e laboral no período non lectivo

DATAS, HORARIO E LUGAR DE REALIZACIÓN DOS OBRADOIROS: Os obradoiros terán lugar os días 26,27,28 e 29 de decembro e o 2,3,4 e 5 de xaneiro en horario de 9 a 14 horas  no Centro Cultural da Guarda. No caso de necesidade das familias, poderá facerse un horario de 8:30 a 14:30 ( terá que especificarse na solicitude)

PARTICIPANTES: 30 crianzas con idades comprendidas entre os 3* e os 10 anos, empadroadas no concello da Guarda**

*As crianzas de 3 anos teñen que estar escolarizadas.

**No caso de quedar prazas vacantes poderán participar crianzas doutros concellos.

INSCRICIÓNS: Presencialmente no Rexistro do Concello da Guarda ou na sede electrónica (https://aguarda.sedelectronica.gal) desde o 24 de novembro ata o 7 de decembro. No caso de presentación electrónica será preciso cubrir unha instancia xeral e achegar cuberta a ficha de inscrición  que se pode atopar na web www.aguarda.es.

Se as inscricións superan o límite de prazas, realizarase un sorteo público o día 15 de decembro ás 10:00 h no Concello da Guarda

O listaxe de persoas admitidas será publicado na web do Concello e aparecerá codificado co número de rexistro da solicitude, polo que resulta importante conservar o comprobante da presentación da mesma.

Esta actividade está financiada  con cargo aos créditos do Fondo do Pacto de Estado contra a Violencia de Xénero do Ministerio de Igualdade, Secretaría do Estado de Igualdade e contra a Violencia de Xénero.

Máis información en informacion@aguarda.es ou na OMIX do Concello da Guarda