A Guarda chega á derradeira fin de semana de xullo cunha intensa programación de actividades
A Guarda despide o mes de xullo cunha variada oferta deportiva, cultural e gastronómica, con varios eventos programados para o venres 27, sábado 28 e domingo 29 de xullo.
Programación por días:
Venres 27:
A Sala de Exposicións da Casa dos Alonso da Guarda acolle a Exposición fotográfica «Así Somos», unha mostra que recolle a través de imaxes o día a día da poboación guardesa, en horario de 12:00h a 14:00h e de 19:00h a 22:00h.
A Casa dos Alonso acolle dende as 9:00h da mañá as V Xornadas Internacionais de Pesca organizadas por ORPAGU, contando coa presencia da Conselleira do Mar, Rosa Quintana, o Alcalde da Guarda, Antonio Lomba, o Presidente de Orpagu, Joaquín Cadilla, entre outras personalidades e axentes do sector. Unhas xornadas enfocadas aos problemas que máis están a afectar aos armadores deste colectivo na actualidade.
Dentro da programación da XV Festa do Peixe Espada dende as 19:00h realizaranse actuacións a cargo da Charanga Cantos somos, para as 20:00h desfrutar do pregón de Marcos Pereiro, popular actor e humorista. Tralo pregón, procederase á entrega do premio á deseñadora do cartel da festa deste ano, Saray Vicente Paz, e presentarase oficialmente a terceira edición do Campionato Galego Inclusivo de Náutico Adaptado, que desenvolverase ó longo do sábado. A Agrupación Musical de A Guarda ofrecerá a partires das 23:00h un concerto de película, amenizando a noite desta primeira xornada coa que se dará por inaugurada a XV Festa do Peixe Espada de A Guarda.
Sábado 28:
A Sala de Exposicións da Casa dos Alonso da Guarda acolle a Exposición fotográfica «Así Somos», unha mostra que recolle a través de imaxes o día a día da poboación guardesa, en horario de 12:00h a 14:00h e de 19:00h a 22:00h.
Os xardíns do Centro Cultural acollen a sexta edición do Mercado da Música de 11:00h a 23:00h, un evento que contará con diferentes stands de venda de artesanía, libros, instrumentos, vinilos… así coma concertos a cargo dos grupos The Wav, Indomables Covers Band, The LelliKelly´s, Family Folks e La Chata Soul. O evento contará tamén con actividades para os máis cativos da casa. O evento está organizado pola Asociación Cultural Sopa de Sobre.
Dentro da programación da XV Festa do Peixe Espada ás 11:00h o Porto da Guarda acollerá o III Terceiro Campionato Galego Inclusivo de Deporte Adaptado e as 12:00h visitarán as instalacións da festa os participantes da Concentración Moteira Goián. Ao longo desta segunda xornada realizaranse as actuacións do Mago Zanas, o grupo O Trebón dos Xidos, o grupo de acordeóns Mascarenhas e o grupo Los Gatos & el Sexo.
O Auditorio de San Bieito da Guarda será o escenario da celebración da primeira edición de “La Guardia danza”, un evento deportivo organizado polo Centro DO-MAJÓ en colaboración co Concello da Guarda e que terá comenzo ás 20:30h da tarde. Neste evento realizaranse distintas exhibicións de Danza Moderna, Hip-Hop, Salsa, e participarán escolas de Vigo e A Guarda.
Durante a xornada deste sábado realizaranse 3 visitas guiadas ao Monte Santa Trega, ás 11:30h con saída do Castro e ás 12:30h e 17:00h con saída dende o Museo Arqueolóxico de Santa Trega(MASAT).
Domingo 29:
A Sala de Exposicións da Casa dos Alonso da Guarda acolle a Exposición fotográfica «Así Somos», unha mostra que recolle a través de imaxes o día a día da poboación guardesa, en horario de 12:00h a 14:00h.
Dentro da programación da XV Festa do Peixe Espada ás 12:00h realizarase a actuación do Coro Cantábile e ao longo desta terceira xornada de festa actuarán o Mago Zanas, o Coro Fuscalheiro e o grupo Vento Mareiro.
Durante a xornada deste domingo realizaranse 3 visitas guiadas ao Monte Santa Trega, ás 11:30h con saída do Castro e ás 12:30h e 17:00h con saída dende o Museo Arqueolóxico de Santa Trega(MASAT).
