A Guarda recibe unha subvención para a mellora do CIM

• O Concello da Guarda ven de recibir a resolución positiva de concesión dunha subvención por máis de 9.000€ para a realización de melloras no equipamento e instalacións do Centro de Información á Muller.

O Concello da Guarda ven de obter unha subvención da Secretaría Xeral de Igualdade dirixida á rehabilitación e mellora do equipamento dos centros de información ás mulleres, polo total do importe solicitado,  una subvención de máis de 9000€ para mellorar as instalacións e servizos que ofrece o Centro de Información á Muller.

Esta inversión permitirá mellorar a habitabilidade e funcionalidade de dous espazos cos que conta o CIM da Guarda, por unha banda o que se pretende é gañar en eficiencia enerxética e aumentar a privacidade dun dos despachos, e por outro, mellorar as condicións doutra sala para convertela nun espazo multifuncional, no que poidan levarse a cabo actividades con crianzas e persoas adultas, tales como os obradoiros que actualmente se levan acabo desde o CIM coas mulleres (obradoiro de resiliencia, obradoiro de empoderamento a través da voz, etc.), así como outras actividades como videoforums, xornadas informativas, cursos, etc.

Destacamos a importancia deste investimento para seguir avanzando cara un cara unha sociedade máis xusta e igualitaria. Este centro é un espacio fundamental para garantir a atención e o apoio ás mulleres en todos os ámbitos da súa vida. Con estas melloras, queremos asegurarnos de que o persoal técnico conta cos recursos e ferramentas necesarias para realizar esa atención de calidade que prestan, nas mellores condicións posibles.