A renovación da cuberta do pavillón de Solanas executarase este verán
O pasado martes 14 de xuño iniciouse o expediente de contratación das obras do pavillón de Solanas que serán financiadas cunha achega de 75000 € por parte do concello da Guarda e outro tanto da Consellería de Educación.
O pasado martes 14 de xuño iniciouse o expediente de contratación das obras do pavillón de Solanas que serán financiadas cunha achega de 75000 € por parte do concello da Guarda e outro tanto da Consellería de Educación.
As obras consistirán na renovación total da cuberta cun panel nervado opaco de dobre capa recheo don espuma de poliuretano, instalación de panel translúcido no peto da cuberta na fachada do mar e renovación completa das ventás incluída a carpintería na fachada de terra.
Autor: Jorge Alonso- Infomiño.com
Na visita que fixeron á Guarda este xoves 16 de xuño, o delegado territorial da Xunta en Pontevedra, José Manuel Cores Tourís e o xefe territorial de Educación, César Pérez Ares, o alcalde expresou súa satisfacción pola próxima reforma do pavillón, lamentando que as instalacións tiveran que estar pechadas dende o mes de febreiro por non ter atendido antes a urxencia destas actuacións, que o concello ven reclamando xa dende o ano 2011. Así mesmo o alcalde trasladoulle aos responsables da Xunta a necesidade de construción duns vestiarios para dar servizo tanto aos alumnos do centro de ensino como aos distintos equipos que fan uso da instalación, neste punto o delegado da Xunta adquiriu o compromiso de participar no financiamento desta obra.
O alcalde anunciou tamén que ademais da reforma da cuberta do pavillón o concello instalará unha valla para a práctica do hockey e dúas canastras de baloncesto, cun investimento de cerca de 23.000 €.
Antonio Lomba aproveitou a visita do delegado da Xunta para facerlle chegar o anteproxecto de humanización e regulación do tráfico da praia do Muíño. Cores Tourís adquiriu o compromiso de trasladarlle a proposta ao xefe territorial de Ordenación do Territorio e de facilitarlle unha entrevista co alcalde para falar do financiamento deste proxecto.
