A unidade móbil de ADOS visita A Guarda este venres 30 e sábado 31

A unidade móbil da Axencia de Doazón de Órganos e Sangue regresa o próximo venres á Guarda.

A unidade móbil estará o venres 30 de xaneiro pola mañá de 10:15 a 14:00 horas e de 16:30 a 21:00 horas en horario de tarde; e o sábado 31 de xaneiro estará pola mañá de 10:15 a 14:30 horas.

ADOS continúa con reservas baixas dos grupos A+, 0+ e 0-. Como é habitual, o autobús situarase na rúa Rosalía de Castro, diante do Centro Cultural.

Recordade que hai uns requisitos mínimos para poder doar, como ser maior de idade e pesar máis de 50 kg.