A Xunta Local de Seguridade reuníuse na Guarda para analizar a seguridade na vila

Esta mañá celebrouse na Guarda a reunión da Xunta Local de Seguridade. Esta Xunta busca facilitar a coordinación e cooperación entre diferentes administracións en materia de seguridade.

O alcalde, Roberto Carrero deu comezo á reunión, á cal tamén asistiu o subdelegado do Goberno en Pontevedra, Abel Losada; a Secretaria Xeral da Subdelegación do Goberno, María Isabel Alonso de Linaje; a xefa da Unidade contra a Violencia sobre a Muller da Subdelegación do Goberno, María José Rodríguez; a directora do Centro de Información á Muller (CIM), Yolanda Villaverde; o xefe da Policía Local e do GES da Guarda, así como membros de diferentes unidades da Guardia Civil.

O obxectivo principal é asegurar unha actuación coordinada e eficiente das forzas e corpos de seguridade na vila. Con estas reunións tamén se fai un balance e análise da situación actual, cun seguimento e avaliación dos acordos acadados.

Estas reunións permiten tamén facilitar o intercambio de información para elaborar plans de seguridade en conxunto, mellorando a cooperación e coordinación entre todos.