Aberta a terceira fase de Orientación para o Emprego: Habilidades sociais e persoais na procura de emprego
A Concellería de Emprego do Concello da Guarda pon en marcha para este próximo mes de xullo a terceira fase do programa de mentoring e asesoramento profesional.
A Concellería de Emprego do Concello da Guarda pon en marcha para este próximo mes de xullo a terceira fase do programa de mentoring e asesoramento profesional. Esta vez a formación traballará fundamentalmente as habilidades persoais e sociais para o emprego, dirixida tanto para emprendedores/as como para persoas na procura de emprego, que queiran mellorar as súas habilidades.
Como nas anteriores fases o horario pretende ser asequible para que as persoas que participen poidan desenvolver sen problema outras tarefas formativas ou profesionais. Así o horario previsto será de 9 a 13 horas da mañá os días 8, 15, 22 e 29 de xullo e o 9,16, 23 e 30 de setembro. Agárdase que a esta fase se incorpore xente participante nas anteriores edicións e tamén novas incorporacións.
Durante esta formación traballaranse habilidades fundamentais que forman parte dunha constante e necesaria formación para a procura de emprego. Ademais organizaranse xornadas posteriores de exposición e algunha que outra sorpresa, relacionadas coa aposta por potenciar o talento das nosas xentes e el emprego dende o crecemento persoal e profesional.
Dende o concello animamos a participar neste proceso formativo a todo o mundo que queira mellorar a súa empregabilidade. Máis información no 986614546, na OMIX ou AEDL.
