ADOS busca doazóns na Guarda para este Nadal

A unidade móbil da Axencia de Doazón de Órganos e Sangue regresa este mércores á Guarda. Dentro xa da súa campaña de Nadal recorda o regalo que supoñen as doazóns de sangue para máis de 450 persoas cada día.

A unidade móbil estará o mércores 11 de decembro de 10:15 a 14:00 horas en horario de mañá, e de 16:30 a 21:00 horas, en horario de tarde.

Como é habitual, o autobús situarase na rúa Rosalía de Castro, diante do Centro Cultural. Recordade que hai uns requisitos mínimos, como ser maior de idade e pesar máis de 50 kg.