As carrilanas toman de novo A Guarda o próximo sábado 30

A Festa das Mercedes arranca outro ano máis coa baixada das carrilanas. Esta oitava edición, organizada pola Asociación de Veciños O Percamino en colaboración co Concello da Guarda, celebrarase o sábado 30 de agosto a partir das 18:00h.

A rúa Concepción Arenal volverá ser o escenario principal desta baixada, desde o seu comezo na praza Avelino Vicente ata o seu remate na rúa do Porto. Ademais das carrilanas, tamén baixarán os triciclos.

Este evento promete de novo encher as rúa Concepción Arenal de xente para ver estas carrilanas que cada ano sorprenden máis polas súas temáticas e orixinalidade.

Para participar, as carrilanas deben ser para 2 persoas, con máximo 1’6m de ancho x 2’4m de longo, ter freo e levar casco. Para máis información e inscricións, tedes os números de teléfono: 661 281 254, o 649 887 379 ou o 647 607 456.