As Guerreras arrancan o vindeiro luns, 17 de xuño, o seu periplo cara aos Xogos Olímpicos de París 2024 na Guarda

A Guarda, sede do Mecalia Atlético Guardés na liga Guerreras Iberdrola, é o lugar elixido para iso, froito do seu profundo vínculo co balonmán feminino e dunha afección entregada como poucas. O vindeiro martes, 18 de xuño, a cidadanía guardesa terá a primeira oportunidade de mostrar o seu apoio ás xogadoras españolas, xa que está prevista unha recepción oficial no Concello da Guarda a partir das 11:30 h.

Durante a súa estancia no municipio guardés, o equipo español exercitarase tanto na Sangriña como nas instalacións do Codesal, cun adestramento aberto a adestradores o 21 de xuño, ás 16:30 h. E non soamente a adestradores de balonmán, senón a técnicos doutros deportes tamén, co fin de que teñan acceso ás técnicas e métodos utilizados polo staff que lidera o seleccionador nacional, Ambros Martín.

A primeira fase preparatoria das Guerreras conclúe o 23 de xuño, momento a partir do que as integrantes do combinado español gozarán de 72 horas de descanso, antes de regresar ao traballo o 26 de xuño nunha segunda etapa que se desenvolverá tamén na Guarda ata o 3 de xullo. Ademais, nesta segunda fase da preparación está previsto que se celebre unha firma de autógrafos previa a unha sesión de adestramento a portas abertas para o público, cuxa data de celebración coñeceremos proximamente.

A lista de xogadoras citadas o vindeiro luns na Guarda por Ambros Martín está formada por: