Bases e Ficha de Inscrición para o Campamento urbano de verán da Guarda 2016
A Concellería de Xuventude do Concello da Guarda, a través da OMIX organizan o Campamento Urbano deste verán 2016 co principal obxectivo de conciliar vida familiar e laboral a través de actividades educativas e lúdicas coas que dinamizar o tempo libre que representa o verán tras rematar o período lectivo.
A Concellería de Xuventude do Concello da Guarda, a través da OMIX organizan o Campamento Urbano deste verán 2016 co principal obxectivo de conciliar vida familiar e laboral a través de actividades educativas e lúdicas coas que dinamizar o tempo libre que representa o verán tras rematar o período lectivo.
DESTINATARIOS/AS
Rapaces e rapazas de entre 3 (escolarizados) e 12 anos, cumpridos no momento da inscrición ao campamento que reúnan as seguintes circunstancias:
-
Empadroados/as na Guarda (comprobarase que os menores inscritos/as están empadroados no concello)
-
Non empadroados/as na Guarda pero que o seu pai, nai, titor, titora traballe ou posúa un negocio na Guarda.
NÚMERO DE PRAZAS E LUGAR DE CELEBRACIÓN
O número de prazas ofertadas son 40
A actividade desenvolverase nas instalacións do antigo Colexio Sinde (Rúa Puerto Rico – A Guarda)
DURACIÓN E HORARIO
O campamento desenvolverase durante o mes de xullo de 9:00 a 14 :00 horas da mañá, de luns a venres.
PREZO
O prezo por praza é de 60 €
SELECCIÓN DE PARTICIPANTES
Para a obtención de praza no campamento valoraranse os seguintes aspectos:
-
Pai /nai / titor / titora do/a menor estean traballando.
-
Pertencer a unha familia monoparental
-
Pertencer a familia numerosa
No caso de igualdade de condicións entre varias solicitudes terase en conta a orde de inscrición da solicitude.
O Concello da Guarda reservará un número de prazas para colectivos de especial vulnerabilidade.
BAREMACIÓN DAS SOLICITUDES
A puntuación por cada unha destas circunstancias, debidamente acreditadas, será a seguinte:
-
Por traballo de ambos membros da parella ou titores legais: 2 puntos.
-
Por traballo dun dos membros ou titores: 1 punto.
-
Por pertencer a familia monoparental: 2 puntos.
-
Por pertencer a familia numerosa: 2 puntos.
A máxima puntuación será de 4 puntos.
INSCRICIÓNS E DOCUMENTACIÓN
O prazo para presentar as solicitudes será dende o 6 de xuño ata as 14 horas do día 23 de xuño.
As solicitudes recolleranse na OMIX do Concello da Guarda ou na web do concello www.aguarda.es e presentaranse no Rexistro municipal xunto coa seguinte documentación:
-
Fotocopia do DNI do pai/nai/titor/titora do/a menor
-
Fotocopia do libro de familia
-
Copia dos contratos de traballo ou certificado vida laboral ou certificado da empresa. No seu defecto declaración xurada do pai/nai/ titor/titora do/a menor indicando empresa e tempo de duración do traballo.
-
No caso de familia monoparental, documentación oficial acreditativa da súa situación.
-
No caso de familia numerosa, título de familia numerosa
OUTRA DOCUMENTACIÓN
Toda documentación relevante sobre datos médicos (enfermidades, alerxias,…) que sexa precisa coñecer para o bo desenvolvemento da actividade.
ADXUDICACIÓN DAS PRAZAS. ASISTENCIA
O Concello elaborará unha listaxe de adxudicatarios/as das prazas así como unha listaxe de reserva. No caso de renuncia, a listaxe irá correndo segundo orde numérica.
A concesión da praza implica a asistencia a actividade polo que as faltas non xustificadas e reiteradas significarán a perda da mesma.
