Comezan a entregarse os agasallos de “Tapearte A Guarda 2016”
A concelleira de Turismo da Guarda, Montse Magallanes, entregou este xoves 30 de xuño os primeiros agasallos de “Tapearte A Guarda 2016” ó veciño da localidade Domingo Portela na Casa do Concello.
A concelleira de Turismo da Guarda, Montse Magallanes, entregou este xoves 30 de xuño os primeiros agasallos de “Tapearte A Guarda 2016” ó veciño da localidade Domingo Portela na Casa do Concello.
A terceira edición desta ruta gastronómica chegou ó seu final o pasado domingo 26 de xuño tras 5 fins de semanas nas que se puideron degustar 20 tapas distintas en 20 establecementos da vila, ó módico prezo de 2€ cada unha. Entre as novidades que presentou no seu terceiro ano, destacou a creación dun pasaporte para potenciar o concepto de ruta. Este incluíu os 20 establecementos adheridos para selar nel aquelas tapas que foron consumidas.
Ao igual que Domingo Portela, todos os que canxeen o pasaporte cos 20 selos na Oficina de Turismo do Concello da Guarda recibirán de xeito directo un altavoz inalámbrico e un detalle elaborado pola Asociación Avelaíña. Ademais, os que selen polo menos 12 das 20 tapas entrarán no sorteo de máis premios como reloxos, set de viños ou baterías portátiles, que terá lugar o mércores 6 de xullo no Concello da Guarda.
Dende o Concello da Guarda agradécese a boa acollida que ten, como nos anos anteriores, esta ruta gastronómica e invítase a presentar o pasaporte selado e deixar as impresiones e ideas para poder mellorar ano a ano a que se está a converter nunha destacada cita gastronómica na Guarda e alrededores.
