Conmemoración do Día do libro con cinema, contos contados e exposición na Biblioteca Municipal
Esta semana se concentran as actividades en torno á conmemoración do Día Internacional do libro 2016.
O 23 de abril se conmemora a nivel mundial o Día internacional do libro, no que se conmemora a data da morte de dous grandes escritores: William Shakespeare e Miguel de Cervantes. Bibliotecas e diferentes organismos celebran eventos en torno a esta data, na Guarda escollimos sumarnos con diferentes actividades, esperando agradar ós diferentes gustos e públicos:
Cinema “Os Miserables”, co sorteo dun exemplar da novela de Víctor Hugo
O venres 22 ás 21h. proxectarase no Salón de Actos do Centro Cultural esta gran producción en formato musical. Protagonizada por Hugh Jackman y Anne Hathaway, consigueu facerse con 3 estatuillas dos Óscar e numerosos premios internacionais (Globos de oro, Bafta e outros). Baseada na famosa novela de Víctor Hugo, a cinta nos traslada ó París do século XIX, e nos conta a historia de Jean Valjean (Hugh Jackman) e o seu particular camiño de redención dende os seus días como reo ata convertese en alcalde dunha cidade francesa.
Con ocasión da proxección sortearase entre os asistentes un exemplar da novela homónima de Víctor Hugo.
“Exposición de obras de Cervantes”
Como cada ano por estas datas a Biblioteca mantén unha mostra na que se expoñen obras de Miguel de Cervantes, pódense ollar ata doce edicións diferentes, unha delas co texto íntegro orixinal do “Quixote” (“El ingenioso hidalgo Don Quijote de la Mancha), acompañado por 109 ilustracións de Gustavo Doré. Outras edicións son infantís, entre elas unha edición en cómic de “Don Quijote de la Mancha”, en 8 tomos. A exposición estará na biblioteca ata o 30 de abril.
Acompaña á mostra a fermosísima mensaxe da Directora General da UNESCO Irina Bokova, co gallo do “Día Mundial del Libro y del Derecho de Autor 2016”., que se pode consultar aquí: http://www.un.org/es/events/bookday/2016/unesco_message2016.shtml
“Contos Contados polo Día do Libro”
E como se ven facendo dende o mes de outubro, a Biblioteca celebra unha nova sesión mensual dos Contos contados, neste caso para celebrar o Día do Libro, despois da lectura do conto, os nenos participarán dun obradoiro chamado “ANIMATE A LER”, consistente en realizar un cartaz de animación á lectura puidendo utilizar materiais diversos: goma eva, pauciños, algodón, tapóns ou refugallo. Os traballos serán expostos xunto coa mostra de microrrelatos.
A sesión de Contos Contados será esta vez as 11:30 da mañá.
Presentación do diccionario “Antología del Mar en la literatura”
E para rematar, na vindeira semana, o venres 29 de abril presentarase o libro “Antología del mar en la literatura”. Unha obra que recolle todo o compendio de termos mariñeiros que se poden atopar nas principais obras literarias que teñen o mar como escenario. Este diccionario, recopilado por Emilio Barrenetxea xurde coa intención de facilitar ó lector non avezado no mundo marítimo a comprensión dos términos mariñeiros tan específicos. Términos como afoscar, collada, derrelicto, embicazo, fugada, galeno, hamacarse, e un largo etcétera, que foron recopilados trala lectura dos grandes clásicos da literatura sobre o mar como “Sinbad o marino”, Moby Dick, “O espello do mar”, de Joseoph Conrad, o “El negro del Narcissus”, entre otros tantos.
Un amplo traballo que é completado con debuxos e coas obras pictóricas do pintor Juan Garcés. E que sen dúbida terá unha calurosa acollida nunha vila tan apegada ó mar como a nosa.
A presentación terá lugar a cargo do propio escritor na Atalaia da Guarda ás 20:00h.
