Continúa aberto o prazo para inscribirse no curso de graffiti da Guarda
Este vindeiro mes de xullo, do día 18 ao 29, A Guarda acollerá un curso de graffiti no que os participantes poderán adornar algúns recunchos destacados da vila coas súas obras.
Este vindeiro mes de xullo, do día 18 ao 29, A Guarda acollerá un curso de graffiti no que os participantes poderán adornar algúns recunchos destacados da vila coas súas obras.
Este taller forma parte da oferta incluída na iniciativa “Depo RúARTE”, organizada dende a Deputación de Pontevedra co obxectivo de que diversos concellos da provincia ofrezan á xuventude unha serie de actividades alternativas para este verán que combinen formación e ocio.
O curso que se vai desenvolver na Guarda vai dirixido a rapaces e rapazas de 14 a 30 anos empadroados no Concello. O curso ten prazas limitadas que se cubrirán na seguinte orde:
-Primeiro aqueles comprendidos entre os 14 e 30 empadroados na Guarda.
-Se quedan prazas libres, tamén poderán inscribirse persoas non empadroadas na vila que cumpran o requisito da idade.
-Por último poderán inscribirse os empadroados que non teñan entre 14 e 30 anos.
O prazo de inscrición remata o vindeiro 12 de xullo. Todos os que desexen anotarse o poderán facer ata ese día, en horario de mañá, na Oficina da OMIX do Concello da Guarda. Para isto deben achegar un formulario de solicitude, que poden recoller na OMIX ou descargar na web http://www.depo.es/; xunto cunha fotocopia do DNI e o empadroamento.
