A Deputación de Pontevedra subvenciona a promoción e mellora do Castelo de Santa Cruz

A Deputación de Pontevedra concedeu este ano unha subvención cunha dotación total de 16.058,82 euros ao Concello da Guarda, ao abeiro do Plan Concellos 2016, para a realización dun investimento no Castelo de Santa Cruz.

A Corporación local destinou o importe da axuda á mellora das instalacións e dos recursos turísticos da fortaleza guardesa, coa grabación de material audiovisual  explicativo e promocional  e a adquisición de novo equipamento para o Centro de Interpretación do Castelo. O custe total do investimento quedou cuberto pola concesión da Deputación provincial.