ESTA FIN DE SEMANA INAUGÚRANSE DÚAS EXPOSICIÓNS PICTÓRICAS NA GUARDA
As mostras estarán no Centro Cultural e na Casa dos Alonsos.
Esta fin de semana inaugúranse no Concello da Guarda dúas exposicións de Pintura. Os espazos escollidos para estas mostras son a sala de exposicións do Centro Cultural e a Casa dos Alonsos.
A primeira inauguración será mañá, venres día 31 de xullo, ás 21 horas, no Centro Cultural. Este será o momento no que a artista guardesa María Sobrino, presentará as súas novas obras baixo o título “A solas con mis pinceles”.
Como novidade este ano a artista presentará cadros representativos de sirenas e tamén algunha figura. Ademais mostrará bodegóns, flores, motivos mariños ou minifundios, todos eles creados ó óleo.
A primeira exposición de Sobrino foi no ano 1991, debido o seu éxito -vendeu todas as pezas excepto unha que non quixo- a pintora recorreu Galicia, Zamora, Suiza e tamén Nova York mostrando as súas pinturas.
Esta mostra estará ata o próximo luns, 10 de agosto, en horario de 10 a 12 horas e de 21 a 23 horas. A entrada é totalmente libre ó público.
A exposición “10 años, 100 retratos” da artista Gemma Marqués, se inaugurará o sábado, a partir das 20 horas, na Casa dos Alonsos. Esta é unha mostra conmemorativa dos dez anos de traxectoria que leva esta pintora, polo que haberá obras de toda a súa andanza. Tal e como conta a propia Gemma Marqués, a maioría dos cadros son retratos ó óleo cedidos, moitos deles, por clientes para esta exposición. Aínda así, tamén haberá espazo para mostrar bodegóns potmodernos ou algúns dos cadros da serie “Vespas”.
En total haberá unhas 50 pezas.
Neste caso a exposición estará aberta ata o domingo, 23 de agosto, en horario de 11 a 14 horas pola mañá e de 19 a 22 horas pola tarde, excepto o luns que permanecerá pechada.
Como sucede coa outra mostra a entrada e totalmente gratuíta e está aberta a todo o público.
La realización de esta exposición cuenta con la colaboración de la Deputación de Pontevedra
