Este sábado celébrase o IV Open de Petanca Concello da Guarda 2024

O Club de Petanca O Caldeiro organiza, en colaboración co Concello da Guarda, o IV Open Concello da Guarda. Durante todo o sábado 27 disputarase este torneo para atopar á nova tripleta gañadora.

En total, máis de 100 xogadores de toda Galicia participarán nesta proba, pertencentes a diferentes categorías desde sénior ata sub-23 e xuvenil. A final disputarase ás 19:30 horas e a entrega final de premios será ás 20:30 horas.