A exposición «Proxecto táctil» inaugúrase mañá ás 12 no Centro Cultural

Mañá xoves, 19 de outubro, inaugurarase no Centro Cultural da Guarda a exposición “Proxecto táctil”, composta por obras contemporáneas realizadas por antigas e actuais alumnas da Facultade de Belas Artes de Pontevedra (UVigo).

A mostra, que permanecerá ata o 4 de novembro, componse dunha ducia de creacións concibidas para poder tocarse e manipularse, de xeito que o público se poña na pel das persoas con discapacidade visual e experimente a exposición.

Acudirán ao acto de inauguración, que dará comezo ás 12 horas, o alcalde do Concello da Guarda, Antonio Lomba; o concelleira de Cultura, Elena Baz; o director do Centro de Recursos Educativos da ONCEen Pontevedra, José Á. Abraldes; a decana da Facultade de Belas Artes de Pontevedra, Silvia García; e o deputado provincial de Cultura e Lingua, Xosé Leal Fariña.

“Proxecto táctil” é unha iniciativa da Facultade de Belas Artes da Uvigo, impulsada pola Deputación de Pontevedra en colaboración coa ONCE.