Gran actividade cultural e deportiva nesta fin de semana na Guarda

A Guarda contará unha vez mais cunha fin de semana de gran oferta cultural e deportiva para todas as idades, que dende o venres e ata o domingo realízanse en diferentes espazos públicos do municipio.

Venres 29 de Xuño:

Na xornada do venres día 29 de xuño destaca a Presentación do Libro “Hospital Casa-Asilo de A Guarda(1918-2018) Centenario de una institución benéfica nacida en Puerto Rico” do historiador local Joaquín Miguel Villa ás 20:30h no Centro Cultural da Guarda.

Ás 20:30h da tarde as instalacións da Asociación Veciñal “O Percamiño” da Gándara acollerán unha Mostra Musical a cargo da Agrupación Musical da Guarda.

Sábado 30 de xuño:

O Sábado 30 de xuño ás 12:00h o Museo do Mar da Guarda acolle a inauguración da Exposición “As achegas das mulleres á sustentabilidade do mar” que, baixo o proxecto “Sustentabilidade en feminino”, busca amosar as achegas das mulleres ao desenvolvemento sustentable e á conservación dos nosos mares.
A Praza do Reló acolle dende as 20:00h o I Festival Sons da Guarda no que participarán o Coro Arpegios, o Coro Cantábile, a Coral da Terceira Idade, a Coral Polifónica da Guarda e o Coro de Cámara de Crecente, evento organizado pola Asociación Arpegios Cantábile.

Durante toda a xornada do sábado o Castelo de Santa Cruz será o escenario da I edición do Interlude Fest, un festival de música organizado dende a Asociación Cultural Rock´n´Rolla que contará con diversas actividades coma un Campionato de Petanca, Xornadas de adopción animal, Mercado solidario de Conrazones, mostra de artesanía, inchables e xogos infantís, así coma as actuacións dos grupos Kuna de Odio, Mano de Piedra, Santos Morcegos, Terader, Silf-Atär, Teseracto, Jani´s Joplin e Perseide. O recinto abrirase ás 11:00h da mañá e os concertos comezarán ás 20:00h da tarde.

Domingo 1 de xullo:

O domingo día 1 de xullo na Alameda da Guarda terá lugar unha xornada de Ioga aberta ao público e de carácter gratuíto, en horario de 11:00h a 12:00h da mañá.

Ás 20:30h o Auditorio de San Bieito acolle a XIV edición do Festival de Baile Moderno, unha das citas mais importantes de baile e danza na programación do verán na Guarda, evento organizado polo Grupo de Baile Xamaraina.

A Exposición “Faros De Galicia” de Carlos Ramos Fernández estará presente no Centro Cultural da Guarda ata o vindeiro 7 de xullo, en horario de Luns a Venres de 9:00h a 14:00h e os sábados en horario de 10:00h a 13:00h.

Moita música, cultura e programación para todas as idades para dar a benvida ao mes de xullo na Guarda.