Inscricións para os Paxes da Cabalgata de Reis este sábado na Guarda

O Concello da Guarda informa de que este sábado día 15 de decembro terá lugar a inscrición dos nenos e nenas que desexen participar na Cabalgata de Reis 2019 na Guarda.

O Sábado 15 de decembro será o día no que se inscribirán todos aqueles nenos e nenas que desexen participar na Cabalgata de Reis, acudindo ao Centro Cultural a partires das 10:00h. para formalizar a súa inscrición, cada pai que acuda só poderá formalizar a inscrición dos seus fillos, se un pai ou nai non pode acudir, deberá de enviar a outra persoa coa inscrición debidamente firmada e autorizando na mesma á persoa que realizará a inscrición.

A proba dos traxes dos paxes realizarase noutra data que se informará «a posteriori» e non é preciso que os nenos e nenas acudan o día da inscrición.

Os participantes deberán de ter, mínimo 8 anos de idade e cumprimentar a solicitude por parte dos pais ou titores legais, as follas de inscrición e as bases reguladoras estarán a disposición nos días previos no Centro Cultural e no Concello da Guarda e na páxina web do Concello da Guarda www.aguarda.es

Calquera dúbida se pode contactar con Departamento de Cultura no Centro Cultural no 986 61 18 50.

Descargar Bases e Autorización aquí