Melloras de ata 90.000€ no CEIP A Sangriña e Manuel Rodríguez Sinde

O pasado martes, o delegado territorial da Xunta en Pontevedra, Agustín Reguera, visitou, xunto ao director territorial de Educación, César Pérez, visitaron o CEIP A Sangriña e o CEIP Manuel Rodríguez Sinde.

Ademais, o alcalde da Guarda, Roberto Carrero, e os concelleiros de Vías e Obras, Isidro Lomba, e de Educación, Aser Estévez, explicáronlle as actuacións levadas a cabo para mellorar as instalacións de ambos centros.

No CEIIP A Sangriña mellorouse a instalación eléctrica e da iluminación, por valor de preto de 50.000 euros. Deste xeito, coa iluminación LED tamén se mellorará a eficiencia enerxética do edificio.

No CEIP Manuel Rodríguez Sinde as necesidades detectadas polo Concello refírense a fontanería e o sistema de ventilación, onde se están a realizar estas melloras.