MIGUEL ANXO SANTOS, DOUTOR EN FILOSOFÍA E CIENCIAS DA EDUCACIÓN, SERÁ O ENCARGADO DE CONDUCIR A CHARLA “OS CONCELLOS E A EDUCACIÓN. PROBLEMA OU OPORTUNIDADE” DENTRO DO CICLO “DIÁLOGOS EN EDUCACIÓN”MIGUEL ANXO SANTOS, DOUTOR EN FILOSOFÍA E CIENCIAS DA EDU
A cita é o xoves, día 27, ás 20 horas.
Este xoves, día 27 de agosto, celébrase unha nova edición das tertulias enmarcadas dentro do ciclo de charlas “Diálogos en Educación”, organizado polo Concello da Guarda.
O encargado de conducir este novo coloquio, que levará por título “Os Concellos e a Educación. Problema ou oportunidade” será Miguel Anxo Santos, Doutor en Filosofía e Ciencias da Educación, Catedrático de Teoría e Historia da Educación na Facultade de Ciencias da Educación da Universidade de Santiago de Compostela e, entre outros méritos, Profesor Visitante na Florida International University, en Miami.
As súas liñas de investigación prioritarias son a educación e a pedagoxía intercultural, as migracións e a sostibilidade, a complexidade e a teoría de procesos educativos e a educación internacional, a educación cívica e políticas educativas nunha era global.
Esta sexta entrega será celebrada, como vén sendo habitual, nun espazo exterior dentro do vello colexio dos Xesuítas, moi preto do embarcadoiro do Ferry, en Camposancos. O horario será ás 20 horas.
Esta actividade, que ten carácter divulgativo, está concibida como unha tertulia-coloquio informal. Aberta a todo o público, malia que o tema a debater sexa de carácter educativo.
