Suspendida a charla prevista para este venres na Guarda

-ACTIVIDADE SUSPENDIDA-

Este venres día 13 de marzo ás 20:00h a Casa dos Alonso acolle unha charla-coloquio enmarcada nas actividades do proxecto “O Camiño Aguárdate”, coa que o concello participa no programa O Teu Xacobeo da Xunta de Galicia.

A finalidade deste proxecto é divulgar os valores do camiño entre a poboación local e buscar un maior achegamento entre estes e os peregrinos.

Nesta charla-coloquio, titulada “O Camiño como produto cultural e turístico: oportunidades no desenvolvemento local”, contarase coa participación de Xosé Manuel Santos Solla, catedrático da Universidade de Santiago de Compostela e algúns emprendedores entorno ao Camiño Portugués: Albergue O Peirao, Tuitrans e Rincón Peregrino.

O obxectivo desta xornada é o de debater sobre o Camiño de Santiago e as oportunidades que ofrece na economía e no desenrolo local súa evolución, así coma atraer á poboación local a que se interese e reflexione sobre a importancia que ten en moitos aspectos da vida diaria da vila. A tal fin a charla articúlase mediante as ponencias de Xosé M. Santos, catedrático de Xeografía Humana na Universidade de Santiago e director do Centro de Estudos Turísticos (USC) entre 2005 e 2014, que ten traballado amplamente o impacto do turismo con especial preocupación polas cidades históricas, os itinerarios culturais e o desenvolvemento rural. A visión global que nos brindará Santos Solla sobre o Camiño de Santiago e o seu efecto e posibilidades no turismo, sumaranse a visión de diferentes emprendedores locais que souberon atopar oportunidades de negocio no feito da peregrinación xacobea.

A charla contará tamén con Fátima Rodríguez Marcos, consultora en Talentea RRHH e concelleira de participación cidadá na Guarda, que guiará as ponentes coa idea de presentalos e ofrecer unha visión de conxunto sobre as oportunidades e posibilidades que presenta o Camiño de Santiago de cara a desenvolvemento local.

Intervirá tamén Xosé Manuel López, xerente da empresa TuiTrans, empresa radicada en Tui e que opera nos diferentes Camiños de Santiago e ofrece ós peregrinos a posibilidade de transportar os seus equipaxes entre os diferentes puntos do camiño. Tuitrans é unha empresa tudense, creada no 2011 que ofrece transporte de equipaxes a peregrinos e camiñantes. Traballan tanto con profesionais, como con particulares que precisen o traslado de equipaxes ou persoas, dende Oporto ata Santiago, polo Camiño Central e polo Camino da Costa, cubrindo cada día 570km por todas as estapas do Camiño.

Olalla e Fernando Alvarez Troncoso irmáns e responsables do Albergue O Peirao, falarán sobre o seu proxecto empresarial, o primeiro albergue de peregrinos privado da Guarda e que naceu coa voación de negocio sostible, articulando e potenciando o significado da peregrinación tamén como forma turística sostible e integrada na paisaxe urbana/histórica guardesa.

É un albergue que se atopa nunha casa mariñeira do ano 1957 que foi rehabilitada, e da que se mantivo a fachada e o máximo posible da estrutura interior. A Asociación de Redeiras Atalaia colaborou na decoración do albergue para darlle a temática mariñeira e así por en valor a historia da propia casa. A sostibilidade é moi importante, por iso só utilizan produtos naturais e consumibles reciclados, acadando un albergue respectuoso co seu entorno, tanto a nivel medioambiental como histórico e patrimonial.

O Rincón Peregrino, foodtruck situado en Viladesuso (Oia) é unha empresa que oferta cafés e chocolate quente ós peregrinos, así como deliciosos muffins e bizcoitos. Esta idea de negocio ven a cubrir unha importante necesidade no camiño onde os pergrinos percorren kilómetros sen ter moitos espazos de lecer, descanso ou refrixerio.

A idea desta ponencia é valorar da man dun experto na materia e de tres iniciativas locais a importancia que ten o Camiño de Santiago de cara a buscar novas oportunidades de negocio, que de convertan en base de desenvolvemento da localidade.

Máis actividades

O 27 de marzo ás 20:30h no San Xerome continúan as actividades cunha nova xornada titulada “O Camiño como forma diferente de viaxar: motivacións e experiencias”, na que se contará coa proxección do documental Santiago´s Way e rematará cunha charla-coloquio entre os asistentes.

No mes de abril pecharase o ciclo de “Falemos no Camiño” coa xornada “Unha mirada histórica sobre o Camiño Portugués da Costa”, que contará coa presenza de Grato E. Amor Moreno e Ermelindo Portela Silva, realizarase o 17 de abril ás 20:30h no Centro Cultural da Guarda.

Visitas teatralizadas

As visitas teatralizadas mistura a creatividade teatral, a divulgación dos valores patrimoniais entorno ó camiño e a revalorización da peregrinaxe coma forma diferente de viaxar.

A compañía Os Quinquilláns, serán os encargados de realizar as visitas teatralizadas que terán lugar no Castro do Monte Santa Trega cun total de 8 sesións, para o público xeral e alumnos de secundaria, ata a primavera do 2020. As inscricións poden realizarse no formulario web: https://forms.gle/RY58NechAeqmeJfN9