O CEIP As Solanas someterase a obras para reparar e mellorar os piares

O CEIP As Solanas – Nicolás Gutiérrez Campo experimentará unhas obras de mellora durante os próximos meses.

A intervención centrarase no reforzo e mellora dos piares e linteis do patio lateral que presentaban fendas verticais e fisuras debido á dureza das condicións pola súa localización.

Deste xeito, a actividade escolar poderase desenvolver con total tranquilidade e sen riscos para o alumnado e profesorado.

O xefe territorial de Educación en Pontevedra, César Pérez Ares, visitou o centro escolar para supervisar as obras necesarias do CEIP.