O Club Balonmán Atlético Guardés fará a súa presentación oficial este mércores ás 20:30 horas

Este mércores 21 de agosto, o Club Balonmán Atlético Guardés fará a súa presentación oficial para esta tempada 24/25.

No Auditorio de San Benito serán presentados os diferentes equipos que conforman o club. Ademais, presentarán a súa nova campaña de socios e abonados cun vídeo promocional baixo o título de “O legado continúa”.

Animamos a todos os guardeses e guardesas a unirse este mércores ás 20:30 horas para arrancar a tempada dando o máximo apoio ás xogadoras do Mecalia Atlético Guardés.