O Concello da Guarda lanza unha enquisa online para coñecer as necesidades formativas to tecido empresarial local
- A Concellería de Desenvolvemento local prepara para este ano 2023 diversas píldoras formativas orientadas a favorecer a competitividade do sector hostaleiro e comercial da vila.
O Concello da Guarda, a través da Concellería de Desenvolvemento Local que dirixe Fátima Rodríguez, lanza unha enquisa para coñecer as necesidades formativa do tecido empresarial da vila, especialmente para o sector da hostalaría e comercio.
Neste ano 2023 programaranse diversas píldoras formativas orientadas a favorecer a competitividade do sector hostaleiro e comercial da vila e é por elo que se quere coñecer cales son as demandas formativas existentes entre os empresarios e empresarias para facer unha formación axeitada ás súas necesidades.
Entre as propostas de formación para hostalaría destacan accións sobre Cata de cafés, Latte Art, Barista básico, Coñecementos xerais do café, Tiraxe de cervexa, Empratados e presentacións, Servizos de mesa, Cata de viños, Mellora da reputación online, Publicidade en Facebook e Instagram, Ciberseguridade empresarial: Antivirus, Copias de Seguridade, VPN´s… ou E-mail Marketing.
No caso do comercio as propostas van encamiñadas a accións sobre Publicidade en Facebook e Instagram, Ciberseguridade empresarial: Antivirus, Copias de Seguridade, VPN´s… ou E-mail Marketing.
Enquisa para hostalaría:
https://docs.google.com/forms/d/e/1FAIpQLScNJunElMU1qoABaooVtN-B_bVZDw1A9HOuaQtZ_5Mfgo13Iw/viewform
Enquisa para comercio:
https://docs.google.com/forms/d/e/1FAIpQLSeUjOf2CNjiTX4w1dFyMHsMBBWqsSd7wpYIaIgPj7RSafueWw/viewform
Os empresarios e empresarias interesados/as en participar poden encher as enquisas ata o 31 de xaneiro de 2023, data na cal se pecharán as enquisas e se valorarán aquelas accións formativas máis demandadas, para axendar a súa realización en función dos horarios máis axeitados, que tamén se teñen en conta nas enquisas.
