O Concello da Guarda recibe a axuda da Deputación para a convocatoria do Pirep Local

• Grazas a esta axuda logrouse a asistencia técnica para a redacción da documentación técnica e a presentación de solicitudes á liña 1 da convocatoria PIREP LOCAL do MITMA.
O Concello da Guarda presentou á convocatoria Pirep o proxecto de Reforma e ampliación do pavillón polideportivo de A Sangriña.

As obras contemplaban melloras na eficiencia enerxética, accesibilidade e habitabilidade do pavillón, polo que parte das actuacións proxectadas encádranse nos obxectivos e requisitos da convocatoria de axudas do Programa de Impulso á Rehabilitación de Edificios Públicos de entidades locais (Pirep Local).

O proxecto dispón nestes momentos dunha co-financiación da Deputación de Pontevedra, dentro do programa REACPON (Programa provincial de infraestruturas e dotacións singulares para a recuperación post-covid-19).

Dado a elevada porcentaxe e axuda que se pode alcanzar no Pirep, o posible traslado desta co-financiación provincial ós fondos estatais procedentes do Plan de Recuperación, Transformación e Resiliencia pode supor un aforro tanto para o concello beneficiario como para a institución provincial, ao reverter nesta a parte proporcional que lle corresponda.

Os traballos realizados con esta axuda baseáronse principalmente na adaptación do proxecto ó cumprimento dos requisitos PIREP, na preparación da documentación técnica necesaria para a presentación da solicitude Pirep e na prestación propia da documentación e seguimento da solicitude realizada.